هاد السيد الملقب بـ“نورالدين ولد الفارّ” كيدير اللي بغى فالمنطقة بلا حسيب ولا رقيب. راجل كيتجول كيف بغا، وعندو مرسيدس كارگو سبرينتر كيجمع فيها أطنان ديال الزطلة، وكيدوزها لنقاط البحر بكل جرأة. وهادشي كامل راه كيتدار بالليل باش ما يبانش. نزيدك؟ راه مزوّد بالسلاح الناري، كيدور بحال شي سبع ما كاين اللي يهدر معاه.
هاد الشخص عندو تاريخ طويل مع الأمن، أول مذكرة بحت كانت فـ2015، ودابا زاد عليهم بزاف. يعني، ماشي غير مذكرة وحدة، راه مدوّن فـلوائح الأمن على مدار السنوات. ورغم هادشي كامل، كيبقى حر كيخدم بلا خوف ولا حساب.
السكن ديالو فـقنطرة بوجمعة حدا تلاتاء كتامة. كيتخبى مزيان، والدار ديالو عامرة بـ”الحديد” ديال النقل ديال الزطلة. الخدمة لطاك، يعني ما كينعسش، خدمتو 24/24. كيركب على سيارة فاخرة من نوع “جيب” كطكاط، وكيجمع البكيات بالليل ويرسلهم للسواحل.
فين البوليس؟
واش البوليس ما عارفش هادشي؟ ولا كاين شي تواطؤ؟ راه المواطنين ما يمكنش ابقاو اتستروا على هاد الجرائم. هادشي راه فضيحة، وضروري الأمن يتحرك قبل ما تكبر المصيبة. الزطلة اللي كيجمع راه كتهدد صحة ولادنا ومستقبلهم، والسلاح اللي عندو راه ممكن يشكل خطر على أي مواطن.
الرسالة للشرطة واضحة: ديروا خدمتكم، ماشي حنا اللي غادي نبقاو نديروا عين ميكة على هاد النوع ديال الجرائم. الأمن خاصو يتحرك وبسرعة، ويدير حدّ لهاد التصرفات. حنا بغينا بلادنا تكون نقية، بلا فساد ولا مجرمين كيديروا اللي بغاو!
نعم اولدي بلاد يتحكم فيها المافيا من كل انواعها منها مافيا المخدرات منها مافيا العقار منها مافيا الفساد المالي …لا حول ولا قوة الا بالله